逾八成港人使用電子支付｜2025年香港五大電子錢包比較同商戶須知
想喺香港開餐廳仲要喺競爭激烈嘅市場上保持優勢，就要識得靈活配合唔同顧客嘅支付習慣。根據 DataReportal 2024年嘅報告，有85.6%嘅香港人喺過去一年曾經使用電子支付，顯示電子錢包（e-wallets）近年越嚟越受歡迎，顧客透過選用更方便快捷嘅電子錢包App 結帳，仲可以儲分換領唔同嘅優惠。
11 Mar 2025
快速瀏覽
呢篇指南將同你一齊深入探討咩係電子錢包、運作方式、對你嘅生意有咩好處，詳細比較現時香港六大主流電子錢包：八達通、支付寶（Alipay）、微信支付（WeChat Pay）、PayMe同Tap & Go，教你點樣利用呢啲支付工具提供更靈活嘅支付選擇、提升顧客滿意度同簡化整個餐廳營運流程。
延伸閱讀：Digital 2024: Hong Kong — DataReportal – Global Digital Insights
咩係電子錢包？
電子錢包允許用戶喺智能手機或裝置上儲存支付資訊，例如信用卡號碼或銀行帳戶資料，並直接透過智能裝置完成「畀錢」嘅動作。簡單嚟講，佢就係你嘅「電子版銀包」，只需一部手機，就可以快速又安全咁喺線上或者實體店付款，唔使帶現金或者實體卡。
對餐廳老闆嚟講，顧客只需用手機就可以即刻付款，整個付款運作原理就係透過加密技術保護顧客資料。付款時，通常會同支付閘道（Payment Gateway）或即時支付系統（如轉數快 FPS）連繫，將錢從顧客嘅帳戶轉到商戶帳戶。
電子錢包點樣運作？
電子錢包嘅運作方式就係當用戶打開電子錢包APP，選擇支付選項，然後掃描商戶嘅二維碼，或者展示自己嘅付款二維碼畀商戶掃描。交易會透過支付閘道即時處理，確保資金能夠安全且高效地轉移到商戶嘅戶口。付款過程當中會使用加密技術保護用戶數據，同時對於繁忙嘅餐廳嚟講，喺繁忙時段，顧客可以快速利用電子支付方式付款，減少收錢同找錢所需嘅時間同人手。
香港商戶接受電子錢包嘅好處
-
顧客便利性：顧客可以快速付款，唔使即場慢慢搵現金或信用卡，提升付款效率同體驗。喺香港繁忙嘅午餐或晚餐時段就更慳水慳力。
-
避免訂單流失：根據Adyen 2024年零售報告顯示，近七成嘅香港人表示若果商店唔接受電子支付，佢哋會選擇離開店舖或放棄購買，而同時亦有近六成嘅香港人表示佢哋已經唔再隨身攜帶現金，而傾向使用手機電子錢包。商戶透過引入電子錢包支付選項，可以滿足近年顧客嘅電子支付習慣，避免出現顧客因支付方式唔方便而放棄購買嘅念頭，從而留住每一筆得來不易嘅訂單。
-
提供遊客便利嘅支付選項：除咗越來越多香港人偏好使用電子錢包以外，由於內地同亞洲多國嘅電子支付技術都蓬勃發展同普及代，好多訪港遊客未必會兌換足夠嘅港幣現金，開放使用電子錢包支付，可以方便遊客消費，特別係支援跨境支付嘅電子錢包（例如支付寶、微信支付），能夠吸引更多內地或者其他地區嘅旅客，從而擴大顧客群，增加銷售機會。
-
減少現金處理、實時交易追蹤：減少使用現金可以有效降低盜竊風險或數錯錢嘅機會，而電子錢包提供即時交易記錄，更有效地減少詐騙風險。對於人手有限、每日收入波動較大嘅小型餐廳而言，除咗方便管理現金流外，更有助提升安全性同運營效率。
-
提升衞生：疫情後，無接觸支付因其衞生優勢變得更加受歡迎，能滿足顧客對健康同安全嘅需求，同時幫助商戶維持顧客嘅信任，提升購物體驗。
-
儲分或優惠計劃：好多電子錢包為提升用戶使用率，提供各種優惠回贈或儲分計劃，對於想要鼓勵顧客回頭消費嘅餐廳經營者特別有利。
-
整合外賣平台：外賣平台如Foodpanda、Deliveroo或Keeta 已整合主流電子錢包支付功能，能夠幫助商戶擴大顧客範圍，對主打外賣嘅餐廳越來越重要。
2025香港五大電子錢包比較表
以下係五個香港主流電子錢包平台嘅詳細比較：
| 平台 | 公司 | 商戶手續費 | 香港用戶數 | 通常合作商戶類型 |
|---|---|---|---|---|
| PayMe | 滙豐銀行 | 個人版如透過信用卡增值，每次增值需收取1.2%無手續費，商戶版收取 1.2％-1.5％ | 30萬 | 零售店、部分餐廳、大型連鎖店、不同服務機構 |
| 八達通 | 八達通卡有限公司 | 銀行賬戶資金轉賬費將獲豁免首6個月，隨後收取交易金額1.35%嘅手續費 | 15-64歲人口滲透率達98% | 公共交通、零售店、部分餐廳 |
| Alipay HK | 支付寶（香港）服務有限公司 | 按商戶性質而定，部分交易實體交易費可低至0％。 | 400萬 | 大型連鎖店、部分餐廳、零售店公共交通、超級市場 |
| Tap & Go | 香港電訊支付有限公司 | 1.2% | 無本地數據 | 零售、餐廳、線上平台 |
| WeChat Pay HK | 騰訊 | 基本手續費：1.2%。開戶首年優惠：首年每月5萬港幣內免手續費，超過5萬港幣後的交易金額會收取1.2%手續費。 | 無本地數據 | 中小型商戶、餐廳 |
香港五大電子錢包｜一、PayMe
PayMe係款手機電子轉賬應用程式，由滙豐銀行運營，專注於點對點（Peer to Peer, P2P）同商戶支付，用戶可透過用任何銀行嘅信用卡或HSBC匯豐戶口增值PayMe嘅電子錢包進行過數同收款，2024年已突破300萬用戶。喺港超過9萬個接受點，包括餐廳如麥當勞。適合多種業務，個人版係無需收取手續費嘅，但有單日轉帳上限不得超過HKD 20,000。
延伸閱讀：PayMe by HSBC | 我可以喺哪裡使用 PayMe 付款？
香港五大電子錢包｜二、八達通
八達通係香港歷史最悠久嘅電子支付工具，最初用於交通，多年來已經成為香港最多人持有嘅電子錢包。根據八達通嘅官方資料，喺香港15至64歲之間嘅市民中98%嘅人都持有八達通，業務擴展至零售、餐飲等日常消費，市面流通嘅八達通卡已超過2000萬張，超過17萬間商戶接受八達通支付方式，包括香港大部分嘅餐廳，即使係營業額較低嘅茶餐廳、咖啡廳等，大多數都支援八達通支付。
延伸閱讀：關於八達通 - 香港八達通 (octopus.com.hk)
香港五大電子錢包｜三、Alipay HK 支付寶
2017年正式登港，目前全港有超過15萬間商戶接受AlipayHK電子支付方式，包括餐廳、零售同服務業等，亦可進行政府機構、寬頻上網及付費電視等帳單繳費。2025年1月起Alipay HK被納入公共交通費用補貼計劃，方便香港市民搭乘港鐵、深圳地鐵、巴士等公共交通運輸時，使用「易乘碼」（EasyGo）進行單程付款，估計喺香港擁有超過400萬活躍用戶。
延伸閱讀：AlipayHK - 特意為中小企而設嘅收款方案 | 創造無限商機
香港五大電子錢包｜四、拍住賞 Tap & Go
支援Mastercard同UnionPay銀聯卡，連全港主流便利店7-11亦接受Tap & Go支付。2023年更破天荒同泰國PromptPay二維碼支付同香港FPS（轉數快）合作，令喺泰國超過800萬PromptPay 商戶都可以同時支援以Tap & Go 付款，無需另外兌換泰銖，方便鍾意去泰國旅遊嘅香港用戶消費。
延伸閱讀：Tap & Go - 拍住賞商戶 (tapngo.com.hk)
香港五大電子錢包｜五、WeChat Pay HK
可以同內地主流通信軟件微信全面整合，提供跨境支付，喺中港澳共有超過100萬個合作商戶，除咗原本嘅微信用戶客群外，喺中國境內使用WeChat Pay進行小額支付嘅香港用戶數量亦同步快速增長。
延伸閱讀：WeChat Pay HK - 創新及方便嘅流動支付工具｜隨時隨心享受支付
引入電子支付，仲需要唔同平台之間手動埋數？365pay幫到你
隨著電子支付喺香港餐飲業嘅普及，好多商戶已引入PayMe、八達通或Alipay HK等電子錢包，期望提升顧客便利性同營運效率。
但唔少商戶發現，即便採用咗電子支付，若呢類支付平台唔能夠同餐廳POS系統整合，對數埋數（reconciliation）依然係一大難題，因為每月負責財政嘅員工或老闊仍需逐一比對電子支付平台所提供嘅報表、銀行入數紀錄同POS交易紀錄，確認每筆交易金額、手續費（MDR）同實際入帳金額吻唔吻合，呢種人為操作唔單止耗時，而且仲會因為不斷喺唔同平台之間對數，增加出錯機會。
Eats365推出嘅365pay正係為解決呢個對數唔方便嘅痛點而生嘅整合支付解決方案。365pay同Eats365 POS系統無縫整合，將每筆交易同相關手續費自動對應，提供清晰嘅財務報表，等商戶只需一個平台就可以一目瞭然，無需手動核對。無論係自助點餐機付款、桌邊點餐結帳，定係線上訂餐後自取等複雜餐飲營運流程，365pay都可以全面支持，並兼容主流信用卡如Visa、Mastercard，各大電子錢包如八達通、Alipay HK、PayMe等或國內外電子支付平台如Adyen、Global Payment同Kpay等，協助餐廳老闆可以一眼關七所有現金流！
電子錢包常見問題 (FAQs)
1. 電子錢包同信用卡有咩分別？
電子錢包係儲存支付資訊嘅數碼工具，而信用卡係實體卡連繫信用帳戶。電子錢包可以連繫信用卡或銀行帳戶，提供更方便嘅手機等行動裝置支付。
2. 香港人最常用邊個電子錢包？
根據Data Reportal嘅Digital 2024: Hong Kong報告內嘅手機APP下載量排行中，電子錢包相關APP為Alipay HK同八達通銀包，分別排行第二同第五，可判斷這兩者為香港人下載量最高嘅電子錢包。
3. 電子錢包會唔會向用戶收交易費？
視乎平台而定，但其他可能只有特定服務需要收費。例如：PayMe用戶如果以信用卡增值，每次增值會額外收1.2%手續費。
4. 餐廳點樣申請接受電子錢包支付？
餐廳需要向電子錢包平台嘅商戶服務註冊，每個平台有自己嘅流程，可能需要特定硬件或軟件。
5. 用電子錢包支付安全嗎？
安全。電子錢包使用先進加密同安全措施，保護用戶數據同交易資訊。
6. 電子錢包可以用喺網上訂餐同外賣服務？
大多數電子錢包平台支援網上支付，特別適合網上訂餐同外賣服務。
Eats365作為全港市佔第一的餐飲POS系統品牌，榮獲全球超過7,000個餐廳老闆信賴，合作客戶包括The Coffee Academïcs、嘉寶漢堡、牛大人台灣火鍋吃到飽、牛角及蘭桂芳集團等不同餐廳類型的知名餐飲品牌。
我們強大的第三方合作夥伴可以根據不同的餐廳經營需求提供最完整的餐飲解決方案，透過Eats365 POS系統串接自助點餐機、網上落單、QR code點餐等顧客自助設備，可幫助香港餐廳減少人力成本，並透過整合外賣平台、會員系統、庫存管理等第三方服務，致力與各香港餐廳併肩突破近年的餐飲困境！
想要了解更多關於多元支付串接、網上點餐相關的POS解決方案，歡迎馬上諮詢我們的餐飲專家。
想由專人介紹了解更多？立即免費諮詢
