香港四大QR Code掃碼點餐系統｜一文教你睇清點樣揀服務商最好！
相信香港各大餐廳由疫情開始到近年都早已引入QR Code掃碼點餐嘅服務，但真正對餐廳營運有利嘅掃碼點餐系統應該具備邊啲功能、餐廳老闆喺揀QR Code掃碼點餐功能時應該揀邊一間服務商？本文將會逐步教你揀掃碼點餐系統時需要注意嘅重點，並比較香港四大掃碼點餐系統：Eats365、DimOrder、PinMe、餐飲王。
26 Mar 2025
快速瀏覽
餐廳點解要用QR Code掃碼點餐系統？
QR Code掃碼點餐係疫情後，喺香港最快普及化嘅餐飲科技之一，堂食顧客唔洗再等樓面員工幫手落單，而係自己用手機直接掃描枱上提供嘅QR Code，就可以自己完成點餐，對於長期唔夠人手嘅嘅餐飲業嚟講，唔單止大幅減低樓面員工嘅工作量，亦因為落單時間縮短間接提升埋翻桌率。 由於香港嘅智能手機普及率高，令到QR Code點餐近年來廣受各種餐廳嘅歡迎，無論係小型餐廳、快餐店或火鍋店，甚至連鎖餐飲集團都隨處可見。
延伸閱讀：開小食店8個注意事項｜一文睇清牌照流程、成本同營運管理貼士 (eats365pos.com)
掃碼點餐嘅優點
-
減低餐廳人力成本
餐廳引入掃碼點餐系統，食客可以直接透過手機掃描QR Code瀏覽菜單並直接落單，餐廳樓面員工唔需要喺每張枱同廚房之間奔波，大幅減少餐廳對於人力嘅需求。 -
降低訂單錯誤率
傳統方式人手落單成日出現因為溝通問題或人手寫錯單而產生錯誤訂單，唔單止浪費食材，亦可能造成顧客嘅不滿。而使用掃碼點餐時，客人可以自行核對所點選嘅餐點，降低因為溝通不良所產生嘅錯誤風險 -
菜單無紙化，隨時可以更改菜單
對於需要定期換菜單嘅餐廳嚟講，掃碼點餐由於係屬於電子菜單嘅一種，唔需要額外印刷，除咗節省慳番印刷成本，仲可以隨時喺後台更新菜單或優惠資訊，即時同步到落單連結。
掃碼點餐嘅缺點
-
唔係所有客人都啱用
對於較年長或唔熟悉新科技嘅食客嚟講，QR Code掃碼點餐可能會帶來困惑，佢哋可能唔知道應該點樣落單或者唔習慣喺咁細嘅螢幕睇菜單，從而影響整個用餐體驗，甚至令食客唔想再幫襯 -
缺乏人情味同連結
傳統人手點餐時，侍應可以透過面對面嘅交流了解客人嘅喜好同需求，並即時為佢哋解說同提供協助。引入掃碼點餐嘅話，就少咗員工同食客嘅互動，可能令部分顧客覺得餐廳冇乜人情味同溫度。
延伸閱讀：Eats365 App Store｜全面整合100+餐飲科技與第三方合作夥伴 (eats365pos.com)
揀掃碼點餐系統時四大重點
雖然QR Code落單睇起上嚟都大同小異，但其實仲有好多細節需要留意，就等我哋為你整合4個重點，幫你輕鬆掃揀最適合你嘅碼點餐系統啦！
一、掃碼類型：靜態、動態QR Code、火鍋放題餐廳
揀掃碼點餐系統嘅QR Code時需依照唔同嘅功能同服務需求，大致可以分成三種：靜態QR Code、動態QR Code、火鍋放題餐廳QR Code。
靜態QR Code
靜態 (static) QR Code 意思就係同一個QR Code唔會過期，通常呢類QR Code會直接貼喺桌上，只要係堂食顧客，就會用到同一組條碼連結點餐，結帳後就會清空該次嘅訂單內容，屬於最基本嘅掃碼點餐QR Code類型。
優點：簡單方便，連結可重複使用，餐廳只需要每張枱準備一個QR Code貼紙就可以。
缺點：容易被惡意點單嘅風險。
適合餐廳：枱數少、需要快速點餐、翻桌率高嘅餐廳或快餐店如米線店、茶餐廳等。
動態QR Code
動態(dynamic) QR Code就係每次都會生成唔同嘅條碼，每組客人都係使用獨一無二嘅點餐連結，連結會喺結帳後自動失效。
優點：唔會出現唔小心喺人哋嘅訂單中點餐同提防惡意點餐。
缺點：每次客人入座時，就需要人手列印一張新嘅QR Code。
適合餐廳：有樓面管理、枱數較多嘅中大型餐廳。
火鍋放題QR Code
火鍋放題餐廳主要嘅QR Code掃碼點餐同一般掃碼點餐嘅服務需求最主要嘅差異係：點餐連結內必須可以設定每張枱用餐時間、人頭、分級菜單、送餐間隔等限制，令客戶可以喺餐廳嘅規定下進行點餐、加單，通常做法會喺客人入座時，提供動態QR Code，等客人直接透過QR Code自已點餐同加單，可以大幅減低樓面員工進行反覆落單嘅工作量。
適合餐廳：有時間、人頭、價格分級嘅火鍋放題餐廳。
二、菜單設置同更新便利性
由於掃碼點餐菜單嘅設置同編輯通常喺系統後台進行，所以對餐廳管理者嚟講，操作介面方唔方便、菜單可以點樣編輯同有咩編輯功能，都係影響餐廳營運效率嘅關鍵。
喺挑選掃碼點餐系統時，你可以要求服務商先開放菜單編輯後台畀你測試，再檢查以下常見嘅菜單選項可唔可以輕鬆編輯、操作：
-
介面配色：可客製化程度同彈性。
-
菜單圖片嘅上傳限制：圖片尺寸、數量、格式以及上傳方式。
-
菜色標題：有冇字數限制、字型字體嘅設置彈性。
-
菜色說明：有冇字數限制、字型字體嘅設置彈性。
-
套餐同配餐：點樣設定、配餐用邊種方式同主餐串連、操作簡唔簡單。
-
額外選項：可以額外添加嘅選項例如配料、口味調整、份量調整、特殊需求有邊啲設定同與複製簡唔簡單。
-
優惠活動：可以設定嘅優惠類型有邊啲、操作嘅簡易性。
-
限制設定：可唔可以設定用餐時間、分級菜單、期間限定、happy hour等限制，以及操作上嘅簡易性。
-
多國語言：可唔可以支援多國語言、前台要點樣更改到其他語言介面、設定多國語言嘅後台操作便利性。
延伸閱讀：設置和管理套餐商品 - Eats365 (eats365pos.com)
三、系統整合度：POS、第三方軟體、支付方式
系統嘅整合度係第三個需要關注嘅重點，而對掃碼點餐系統嚟講，最重要嘅整合莫過於支付方式。
客人可以揀喺進行掃碼點餐後，直接透過線上結帳減低結錯帳嘅機率並且提升整個結帳體驗，唔洗再慢慢等侍應幫手「埋單」，所以你亦需要確認掃碼點餐系統可唔可以支援你想要使用嘅第三方支付或電子支付方式，如AlipayHK、Apple Pay、PayMe、八達通或信用卡等。
再者，既然都係要用掃碼點餐系統，當然就希望可以直接同餐廳嘅POS、KDS廚房顯示系統、ERP或CRM會員管理系統等整合啦，幫你大大慳番人手對接唔同營運系統嘅時間。
而對於大型連鎖餐廳來說，系統嘅整合程度又特別重要，若你嘅系統可以統一同步管理多分店之間嘅數據、菜單更新、優惠活動、會員管理等功能，就可以大幅提高你嘅營運管理效率，亦能更清楚地分析市場資訊。
延伸閱讀：專為餐飲業設計！365 Pay整合餐廳老闆們最愛的六大電子支付功能 (eats365pos.com)
四、系統價格：有冇隱藏費用？
掃碼點餐通常係餐廳POS系統下嘅其中一項額外加購嘅服務功能，大部分採用年或月訂閱制，每月平均價格大都落喺從港幣幾百蚊到幾千蚊之間。
雖然睇落差異唔大，但值得特別留意嘅係，有啲服務商除咗訂閱嘅費用外，會喺每張訂單中額外收服務費或抽成，小數怕長計就會變成一筆唔細嘅額外費用。
提醒老闆喺揀掃碼點餐系統時，要先問清楚有冇隱藏費用，以免簽約之後後悔莫及！
香港四大QR Code掃碼點餐系統比較
| Eats365 | DimOrder | PinMe | 餐飲王 | |
|---|---|---|---|---|
| 靜態QR Code | ✅ | ✅ | ✅ | ✅ |
| 動態QR Code | ✅ | ✅ | ✅ | ✅ |
| 火鍋放題餐廳模式 | ❌ | ❌ | ❌ | ❌ |
| POS離線接單 | ✅ | ❌ | ❌ | ❌ |
| 價格方案 | HK$1200/月起，無接單量限制 | 根據餐廳需求量身定制報價方案。 | 提供「All-in-One」打包價格方案，涵蓋多項功能；價格依餐廳規模和需求而定。 | 根據餐廳需求量身定制報價方案。 |
| 適合餐廳 |
|
|
|
|
延伸閱讀：【餐飲系統】6大香港餐飲POS系統優缺點比較 - 2025年最新版 (eats365pos.com)
掃碼點餐系統推薦1. Eats365
Eats365嘅POS系統以其強大嘅功能和靈活嘅配置著稱，獨特嘅三層餐飲生態系，由核心嘅POS系統，到第二層嘅服務擴充模組，到最外層嘅第三方技術整合，嚴謹嘅模組化架構可以令核心POS系統完美整合100種以上嘅擴增模組同第三方技術服務。
而Eats365嘅掃碼點餐更係香港業界嘅最強存在，除咗靜態、動態QR Code、客戶點餐介面到後端備餐、出餐、結帳流程最為順暢穩定以外，細緻嘅菜單編輯選項同火鍋火題模組，都係其他服務商望塵莫及，而且只收取單一費用，冇其他隱藏費用，為中大型嘅火鍋放題餐廳，如牛大人吃到飽火鍋店、牛角燒肉集團等知名連鎖餐廳首選。
延伸閱讀： 2025台灣餐飲觀光大爆發｜多國語言菜單系統，搶佔國際旅客商機 (eats365pos.com)
掃碼點餐系統推薦2. DimOrder
DimOrder嘅掃碼點餐功能可以簡化顧客訂單流程，大幅減少員工落單嘅時間。DimOrder更可以支援網店系統，連接全港外賣平台同美團點評服務，進一步提升營收來源。
掃碼點餐系統推薦3. PinMe
PinMe餐飲POS專注於簡易高效嘅掃碼點餐功能，係少數同Eats365一樣顧客只需掃碼就可完成點餐同支付嘅服務商，縮短等待時間，加快翻枱率。呢款掃碼點餐系統適用於茶餐廳、拉麵店、米線店、咖啡店等多種追求低成本高效率嘅小型餐廳。
掃碼點餐系統推薦4. 餐飲王
餐飲王擁有多年服務餐飲業嘅經驗，介面同功能配置特別深受茶餐廳青睞。顧客只需掃描枱上或印單上嘅二維碼即可快速完成點餐，唔洗再等樓面落單，大幅提升茶餐廳嘅運作效率，非常適合需要高翻枱率嘅小型餐廳使用。
QR Code掃碼點餐系統常見QA
1. 引入QR Code掃碼點餐系統貴唔貴？
QR Code掃碼點餐通常係由餐飲POS系統服務商所提供嘅其中一項功能，根據服務內容，只需額外收取指定費用即可開始使用。但有啲服務商係按照掃碼點餐嘅單量進行收費就需要額外留意係咪真係適合你，單量越多、收費越高。建議老闆喺確認服務商之前，先計算你嘅平均客單價以及每個月嘅平均訂單量。
2. 可以令客戶掃完QR Code點餐之後直接線上付款嗎？
現時香港只有小部分嘅掃碼點餐系統可以整合第三方支付功能，所以喺揀服務商前可以先了解佢哋支唔支援到掃碼支付，點樣開通支付方式同有冇額外手續費。
3. 如果餐廳網路唔穩定，掃碼點餐系統仲可唔可以運作？
由於掃碼點餐系統嘅流程係透過顧客手機掃碼進入線上點餐系統點餐後，再將網路訂單透過外網傳送番餐廳嘅POS系統內，原理類似WhatsApp訊息，喺手機冇上網嘅狀況下，就唔會接收到訊息。所以如果餐廳POS系統嘅網路喺接收訂單嘅時候斷線，顧客手機落單嘅訂單就無法順利送到POS系統內，進一步造成漏單等狀況。
若果你嘅餐廳網路連線唔穩定或收得唔太好、顧客手機又唔容易連上4G或5G，你可以考慮揀用其他使用內網嘅點餐方式，例如自助點餐機、電子餐牌等。
4. 掃碼點餐系統可唔可以設定多國語言？
大部分嘅掃碼點餐系統都可以支援中英文嘅菜單切換。而Eats365嘅掃碼點餐系統目前除咗中英文以外，仲可以支援韓文、日文、越南文等，且除咗掃碼點餐系統外，我哋嘅商家後台、印廚房單都可以揀唔同嘅多國語言。
5. 點解有啲顧客唔鍾意掃碼點餐？
好多唔同論壇嘅網友曾經發表唔鍾意掃碼點餐嘅原因，包含室內網絡接收差、手機字好細好難睇、介面操作唔好用、長輩唔識用反而落單時間仲長咗等。建議餐廳老闆可以考量餐廳主要顧客群對科技嘅熟練度，揀最適合嘅點餐介面，令你嘅數碼轉型之路更順利。
掃碼點餐系統首選—Eats365｜餐廳要嘅分時段、計時、分階段火鍋放題通通都有
Eats365擁有香港餐飲業界公認最強大嘅掃碼點餐功能，除咗菜單介面可以客製化程度高、美觀且容易操作外，亦配備細緻嘅菜單設置選項。
除此之外，喺火鍋放題嘅模組中，你仲可以彈性地依照年齡/時間/日期預設唔同嘅菜單價格，以針對唔同日期需要（例如：公眾假期）所設定嘅用餐時間、客戶解鎖升級服務如延長時段或隱藏餐單、設置客人點單數量/間隔時間/結單時間嘅限制等等，都係火鍋放題餐廳中非常常見、需要大量人力資源、且大部分POS系統唔支援嘅服務。
就等Eats365幫你自動處理呢啲日常營運嘅瑣碎事，令你同你嘅員工可以更專心於同顧客建立更好嘅連結、提升服務滿意度。
想知道更多Eats365掃碼點餐模組功能？ 歡迎立即諮詢我哋嘅專家或申請免費試用！
延伸閱讀： 2025最熱門嘅【線上點餐系統】你嘅餐廳適合哪一種？
Eats365喺全球超過8000個餐飲品牌推薦使用，更加係香港近年來最多好評且市場占有率第一嘅餐飲POS系統品牌，知名客戶包括牛角、嘉寶漢堡、牛大人吃到飽火鍋店、富臨集團、The Coffee Academïcs等唔同餐廳類型嘅連鎖餐飲品牌。
我哋擁有強大嘅第三方合作夥伴可以根據餐廳嘅營運同市場營銷需求提供最全面嘅餐飲營運整合方案，透過Eats365獨特嘅三層生態圈架構，陪伴餐廳由一人小店起步，發展成多間分店，再由多店邁向跨國經營，無論餐廳規模大定細，我哋都會持續支持你成長！
想了解更多關於餐廳掃碼點餐同更多餐飲POS整合解決方案，歡迎馬上聯絡我哋嘅餐飲營運專家。
➤ 想由專人介紹了解更多？立即免費諮詢
