餐飲新手必睇！開小食店8個要注意事項｜一文睇清牌照流程、成本同營運管理貼士
開小食店成本門檻相對其他飲食業務較低，一直深受初進飲食業的創業者嘅青睞， 你可以按預算選擇寬敞嘅舖位配搭精美嘅裝修；亦可以揀一間只有100尺嘅小型舖位做小食外賣店，成為開始你嘅飲食業嘅基石。本文等小編為想開小食店嘅你介紹邊種牌照最啱你同埋開小食店有咩需要注意啦！
23 Dec 2024
快速瀏覽
開小食店注意事項一、選址
開小食店除咗要考慮人流外，餐廳亦要考慮競爭市況，例如同一條街已經有4至5檔小食店，咁喺呢個地方再開多間就需要進一步考慮競爭或出售的小食「撞款」問題。
另外，揀地點開舖時亦要諗埋食物品種同價位係咪同目標顧客人流相配，好似學校區內，腸粉、撈麵等平價飽肚嘅小食會比較好賣；如果該區多寫字樓，就可以考慮製作流程快嘅咖啡店、小食店或者外賣快餐等。
通常會去小食店買小食嘅客源都好唔同，分別係「流水客」 (即係只係咁啱途經舖面、只買一次嘅顧客）、主婦、學生、白領等，所以開小食店嘅選址要諗呢個位可唔可以吸納最少其中兩種客源。
開小食店注意事項二、租舖成本
喺香港租舖開小食店成本亦係重要嘅考量之一，唔同地區嘅租金差異明顯，例如商業或旅遊區（如：中環、銅鑼灣或尖沙咀等）嘅租金對比住宅地區嘅租金呎價可以話係天壤之別。
選擇合適嘅地區租舖唔單止影響日常營運成本，更會影響客流量。喺簽訂租約時，餐廳老闆更需注意以下幾點：
-
水電費同管理費：
確定水電費或管理費嘅支付責任，呢類費用可能由租客或業主負擔，需要喺合約中定明。 -
裝修限制：
了解舖位可以進行嘅裝修程度，有啲業主可能會喺合約中寫明對裝修有特定嘅限制，甚至須於完約後還原裝修，均會對開店成本有所影響，簽約前需事先確認。 - 安全規定：
檢查既有建築係咪已經符合樓宇同消防安全規定。若果唔符合要求，可能未必獲批牌照營業或需要補加額外費用重新裝修。
延伸閱讀：【攻略】2024年香港開餐廳流程、牌照與常見問題 (eats365pos.com)
開小食店注意事項三、申請食肆牌照
普通食肆、小食食肆牌照、食物製造廠牌照嘅差別
香港最常見嘅食肆牌照分為三種：普通食肆牌照（大牌）、小食食肆牌照（細牌）、食物製造廠牌照（外賣牌）及工廠食堂牌照。
大細牌會喺餐廳內提供地方畀顧客享用食物，外賣牌就不設堂食。至於大牌同細牌嘅主要分別在於食物品種同烹調方式，若食物只需翻熱，就可以申領細牌，若要將食物由生煮到熟，就要申領大牌。
| 普通食肆 | 小食食肆牌照 | 食物製造廠牌 | 工廠食堂牌照 | |
|---|---|---|---|---|
|
定義 |
持牌人可烹製同售賣任何種類食物畀顧客喺處所內食用 |
持牌人只可以用簡單又唔會產生大量油煙嘅烹調方法，例如烚、燉、蒸、燜、煎（唔包括油炸同快炒）烹製同售賣食物畀顧客喺處所內食用 |
只限於將自家製食品外賣出售，不設堂食 |
只限於工廠大廈內經營嘅餐廳，只向受僱於大廈內任何人出售或提供堂食服務 |
|
例子 |
中式酒樓、日式、韓式或西式餐廳、茶餐廳 |
雲吞麵店、粥品店、咖啡店、糖水店、蠔吧 |
網上Instagram店、珍珠奶茶，街邊外賣嘅小食店（雞蛋仔、魚蛋、燒賣）或外賣快餐店 |
所有工廠食堂並貼上「只准本大廈之工廠員工使用」 |
|
申請費用 |
<100平方米：HK$2,520，其後每50平方米遞增，上限為>5000平方米：HK$125,840 |
<100平方米：HK$1,810，其後按每50平方米遞增，上限為>5000平方米：HK$90,050 |
<100平方米：HK$3740 |
<100平方米：HK$2710 |
延伸閱讀：環境衛生署網站
小食食肆牌照申請步驟：
-
可以透過個人名義/公司名義申請
-
於網上/郵遞或專人送交方式，向食環處牌照辦事處遞交標準表格 (表格FEHB 94 )
-
連同擬開設食肆嘅圖則一式3份遞交，如有唔合規定要求須重新提交申請
-
轉介各部門(屋宇署、消防處及規劃署)審批圖則同進行實地視察
-
審查後會將妨礙發牌嘅問題話畀申請人知，如果冇問題就會發出「發牌條件通知書」
-
申請人須報告已履行發牌條件，其後食環署會派員進行最後查證視察
-
通過視察及繳款訂明費用（見上表）後，即可領取牌照
延展閱讀：【攻略】2024年香港開餐廳流程、牌照與常見問題 (eats365pos.com)
小食食肆牌照可販售食物種類
小食食肆牌照雖然可以提供坐位畀客人喺舖內進食，但就規定咗唔可以售賣飯類同埋只可以用簡單又唔會產生大量油煙嘅烹調方法煮食。小食食肆牌照只可以喺以下6個食品類別中選擇一個。而普通食肆牌照就唔受限制，可以售賣絕大多數食品。下列係小食食肆可以售賣嘅食品類別，小食食肆牌照只可以揀售賣其中一類食物：
A類 (適合粉麵舖)
-
用肉類、雜臟、魚或海產食物烹製嘅湯麪∕湯米；
-
上湯雲吞及上湯水餃；
-
油菜；
-
飲品
-
5種自訂小食
B類 (適合粥舖)
- 用肉類、雜臟、雞鴨、魚、海產食物或田雞烹製嘅粥品；
- 飲品
- 5種自訂小食
C類 (適合咖啡店或西式輕食店)
-
麪包、蛋糕及餅乾；
-
多士，包括西多士；
-
三文治；
-
克戟、班戟及蛋奶格子餅；
-
燕麥片粥及即食麥片；
-
點心；
-
蛋；
-
火腿、醃肉、香腸、罐頭肉類及罐頭魚類；
-
湯類；
-
用罐頭湯或湯粉烹製嘅通心粉∕意大利粉；
-
飲品；
-
熱狗；
-
冷盤及雜菜∕雜果沙律；
-
漢堡包；
-
罐裝啫喱或用啫喱粉製成嘅啫喱；
-
用包內預製嘅伴湯料烹煮嘅即食麪∕米粉；以及
-
5種自訂小食
D類 (適合只售賣少量食品嘅咖啡店)
-
麪包、蛋糕及餅乾；
-
多士(西多士除外)；
-
不需烹煮或煎炸嘅三文治；
-
腸卷及其他以預先煮熟嘅肉類做餡嘅點心；
-
煮蛋；
-
飲品；
-
熱狗；
-
冷盤；
-
蛋奶格子餅；以及
-
5種自訂小食
E類 (適合糖水舖)
-
烹製糖水；
-
燉蛋；
-
罐裝啫喱或用啫喱粉製成嘅啫喱；
-
豆腐花(只限預製)；
-
飲品；
-
甜品(只限預製)；以及
-
5種自訂小食
F類** (適合唔係上述5個類別嘅食品而想申請小食食肆牌照)
-
特別食品(售賣一種食品)；
-
湯類(用罐頭湯或湯粉烹製而成)；
-
飲品；
-
5種自訂小食
詳情可參照食物環境衛生署網站：https://www.fehd.gov.hk/tc_chi/howtoseries/forms/new/Specified_Snack_List.pdf
開小食店注意事項四、開舖成本
開小食店前建議先設定資金預算上限。預算越高，所需回本期相對越長，風險相對亦會增加，而開店嘅主要成本可分為以下三大類：
- 租金：租金係開小食店成本中最主要嘅部分，位置越旺，租金通常越高。
- 裝修：裝修費用包括店內設計、裝修同煮食設備安裝等，需要按預算去揀可靠嘅承建商。
- 其他費用：費用可能包括牌照申請、保險同初期入貨等。呢類開支雖然可能冇租金同裝修咁大筆錢，但小數怕長計同樣將影響整體運營成本。
開小食店注意事項五、挑選食材供應商
開小食店嘅過程中，揀啱食材供應商將會係小食店成功嘅關鍵之一。優質而且性價比高嘅食材除咗可以吸引更多顧客，仲可以幫助餐廳減低食材成本，令小食店喺競爭激烈嘅市場中脫穎而出。
- 食物品質：揀食材要確保品質同貨源穩定，要注意嘅係即使係食物，商用食材嘅品質要求通常高於家用食材，要留意埋存放期限同存放要求，確保小食店有足夠嘅存貨空間同冷藏設備應對食材存放要求。
- 合適價位：食品嘅價格同樣重要，優先選擇擁有生產線嘅製造商，可以幫你減輕成本，避免經銷商嘅利潤差價，從而獲得更具性價比嘅食材。
- 送貨安排：注意供應商嘅送貨時間同條件，包括可唔可以按時送貨同有冇最低訂貨量（Minimum Order Quantity）。
- 供應商嘅信譽：了解供應商嘅背景同經驗，揀有良好聲譽同穩定經營嘅供應商。
開小食店注意事項六、加盟外賣平台
目前香港主要嘅外賣平台有Foodpanda、Deliveroo同Keeta。加盟呢類平台可以為餐廳帶來更多額外收入，但亦會因為加盟費用同佣金而增加營運成本。喺選擇外賣平台前，經營者應考慮以下幾個方面：
- 市場佔有率：觀察各平台喺餐廳所屬地區嘅使用率，揀佔有率較高嘅外賣平台，以提高曝光同訂單量。
- 外賣員數量：考慮該地區嘅外賣員數量，外賣員越多，訂單處理同配送速度越快，有助於提升顧客體驗。
- 目標客群：明確品牌嘅目標客群，如果餐廳嘅主要客群喺某平台使用率較低，就唔需要加盟多個平台，以免浪費資源。
- 成本同效益：喺財務上評估加盟嘅營運成本同預期效益，包括手續費同推廣費用等。根據行業數據，外賣平台嘅佣金通常佔訂單嘅30%-40%。經營者要仔細計算成本，確保加盟對餐廳利潤有正面影響。
延展閱讀：香港外賣平台加盟全攻略｜餐廳選擇外送平台嘅六大原則 (eats365pos.com)
開小食店注意事項七、營運管理
喺經營小食店時，營運管理至關重要，餐飲科技嘅引入可以有效解決人手不足同高峰期訂單處理嘅問題。
透過引入智能點餐系統同餐飲POS，小食店可以簡化訂單流程，減少人為錯誤，提高效率。同時，呢類科技工具仲可以幫助你實時監控庫存同銷售數據，確保餐廳老闆隨時隨地按實際需要，調整營運策略。
延展閱讀：外賣平台＋POS系統整合｜香港餐廳提升效率與業績必讀！ (eats365pos.com)
開小食店注意事項八、宣傳
餐廳行銷可以更有效地幫助提高品牌知名度並吸引更多新顧客。
小食店可以利用多種宣傳手法，例如社交媒體推廣、舉辦試食活動同KOL美食網紅合作等方式嚟增加曝光率。透過同食客互動，分享優惠同新菜單，小食店可以建立屬於自己嘅忠實顧客群。有效嘅宣傳策略唔單止吸引顧客光臨，仲可以提升小食店嘅競爭力。
延展閱讀：餐飲行銷全攻略 | 香港7種常用餐廳宣傳手法幫你吸客！ (eats365pos.com)
Eats365市場營銷服務令你嘅餐廳街知巷聞
Eats365作為全港市佔第一的餐飲POS系統品牌，榮獲全球超過7,000個餐廳老闆信賴，合作客戶包括The Coffee Academïcs、嘉寶漢堡、牛大人台灣火鍋吃到飽、牛角及蘭桂芳集團等不同餐廳類型的知名餐飲品牌。
我們強大的第三方合作夥伴可以根據不同的餐廳經營需求提供最完整的餐飲解決方案，透過Eats365 POS系統串接自助點餐機、網上落單、QR code點餐等顧客自助設備，可幫助香港餐廳減少人力成本，並透過整合外賣平台、會員系統、庫存管理等第三方服務，致力與各香港餐廳併肩突破近年的餐飲困境！
Eats365提供一站式餐廳宣傳推廣方案，透過社交媒體管理、線上廣告、美食網紅推廣、Openrice食評、美食攝影同多媒體製作服務，有別於市面上的餐廳宣傳推廣服務，連接 Eats365 POS餐飲系統發放會員優惠，實時管理並追蹤宣傳成效，助你極速增加品牌知名度以提高營業額。
